منــتـديــآت خــــيـآلــ **

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منــتـديــآت خــــيـآلــ **

مبرررررروكـ للناجحين .. وبالتوفيق يارب للي لسا ما أخدو الشهادهـ .. وشدو حيلكم للي عندهم دور تاني >> ويارب يكون مافي أحد رسب


3 مشترك

    اكلات مكاااويه

    اندومي
    اندومي
    ~ مشرفـــه ~
    ~ مشرفـــه ~


    انثى عدد المساهمات : 90
    تاريخ التسجيل : 12/05/2009

    اكلات مكاااويه Empty اكلات مكاااويه

    مُساهمة  اندومي الأحد مايو 31, 2009 5:04 am

    الأكلات المكاوية لها طعم ونكهة ونشأة واللي يحلي الأكلات ويطعمها زيادة إنو لكل أكلة مناسبة تتعلق بيها وما ناكلها إلا في المناسبة حقتها نحنا كدة المكاكوه وبالزات العتقية القدم لنا تصانيف وتباتيك
    في الاكل والشرب مايعلم بيها الا الله عز وجل ماشية معانا من أيام ما فنو الأوادم والعهدة على الراوي أقروا الموضوع ومخمخو وبعدين قولوا رأيكم عن هادي العادات طيب يا سيدي انت وهو والكلام للجميع الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟ هيا خدو عندكم ....

    الرز بحمبص و السقط و المعرق أو المختوم و الششني
    هادي الأكلات خاصة بالعزا وزيادة في التوضيح اليوم الأول والتاني والتالت يطبخو الرز البحمبص واليوم التالت
    اللي يسموه قطع العزا يسوو الششني والمعرق والمختوم والسقط الكابلي أو الزربيان و السمبوسك و الطورمبة
    هادي يسووها وقت المناسبات والأفراح للرجال أما الحريم يجيبولهم الميز طبعا زمان أول مافي لا ميز ولا يحزنون
    ياكلو من نفس أكل الرجال بس يسوو قليل بريك
    او بف بالجبنة والا باللحمة شغل بيتي يعني واللي تعرف تسوي
    كيك بالبرتكان او الموز تسوي صينية علشان يحلو بيها بعدين جانا الميز والشغلات الجديدة هادي المعدوس ( الرز عدس ) هادا يسووه المكاكوة يوم الغيم والمطر
    ومعاه روبيان مكشن بالقوطة والبصل والفلفل الأخضر وزلطة حمر وكيف لو كنا ساكنين في بلاد الخواجات على كدة
    كل يوم معدوس ألين البطن تسير زي الطبلة الملوخية الخضرا هادي تتعمل في اليوم الأول من السنة الهجرية الجديدة
    على الغدا من باب التفائل إنو ربنا يجعلها سنة خضرا وخير للجميع الحليب أبو الهيل هادا برضو كمانة ينشرب في صبحية
    أول يوم في السنة الهجرية الجديدة السليق هادا يسووه في المناسبات لمن يكون الجو باااااااااااااااااارد الدبيازة معروفة على ما أعتقد للجميع يسووها للفطور أول يوم العيد المعمول و الغريبة يسووها في أيام الحج السمك مايتاكل إلا في الشعبنة علشان في رمضان الناس ماتاكل السمك بس هيا كدة عادة شعبنة يعني اضرب سمك وصيادية عشرة عاشورا ( 10 محرم ) رز زربيان الحلو و زلطة لبن أبو الفلفل السحلب يسووه في الأيام الباردة علشان يلم العضم ويدفي
    الجتة بالزات لو فيلو شوية جنزبيل القهوة الحلوة اللي يحطولها لوز بجلي مهروش طبعا هادي
    وقت البزورة ما ينجحو والا يسقطو يسوولهم هيا قيد ماتفرق لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة وغير أكلات رمضان الخشاف و الماسية و مكارنة باللبن إزا تعرفوها و القطايف
    هادي ياكلوها من السنة للسنة المجلب ( مجموعة أعشاب مخلوطة عن العطارين ) زماااااان
    ويمكن دحين مافي حرمة تنفس وتولد إلا يصنجوها مغراف مجلب علشان
    يكرت وصخ البطن والولادة وينضفها الزلابية و اللقيمات ( اللنقطة ) أول ما ينقال اسمها نتزكر العيد والفطور حق العيد السلالي و المقلقل و اللحم نفتكر على طول عيد الحج يندبح الطلي
    ومايبقى شي منو تبارك الرحمن كل شي يتاكل فيه حتى الرجول يسوو بيها مقادم والمفاصل نلعب بيها كبوش
    والفروه يفرشوه على عتبة البيت زي الدعاسات دحين
    والديل نشوح البزورة بيه زي البواكير ههههههههههههه زي ماشفتو الأكلات اللي قلنا عليها لها مناسبة أو وقت معينه تتاكل فيها مع انو يمدينا ناكلها طووووووووووول السنة مو مشكلة ويمكن كتير ناس هجروا وفلتو تباتيك زمااان الا مارحم الله بس هيا زي ماتقولوا شغلة تعود وعلى قولة المسل الله لايقطع العادة إلا بسلااامة

    تــ ح ـــياتي << اندومي afro lol!
    ملطووووش للاستفاده <<لوول
    ورد المحبه
    ورد المحبه
    .-* مــرآقبـــ عآآآم *-.
    .-* مــرآقبـــ عآآآم *-.


    انثى الابراج : الحمل عدد المساهمات : 370
    تاريخ التسجيل : 20/04/2009
    العمر : 33
    الموقع : https://5aial.7olm.org
    المزاج المزاج : مبسوطه

    اكلات مكاااويه Empty رد: اكلات مكاااويه

    مُساهمة  ورد المحبه الإثنين يونيو 01, 2009 3:38 am

    اكلات مكاااويه 873-Thanks-AbeerMahmoudاكلات مكاااويه 893-wonderful-AbeerMahmoudاكلات مكاااويه 908-waitting-AbeerMahmoudاكلات مكاااويه 1032-Motamiez-AbeerMahmoudاكلات مكاااويه 1126thanksabeermahmoudmm6

    تقبلي مررررروري

    ورد
    ~ميرندا تفاح~
    ~ميرندا تفاح~
    .. عــ ـضـ ــو مــبــدع ..
    .. عــ ـضـ ــو مــبــدع ..


    انثى الابراج : القوس عدد المساهمات : 224
    تاريخ التسجيل : 19/05/2009
    العمر : 30
    المزاج المزاج : على حسب خخخ

    اكلات مكاااويه Empty رد: اكلات مكاااويه

    مُساهمة  ~ميرندا تفاح~ الإثنين يونيو 01, 2009 6:41 pm

    سلامـ Razz




    ترررا أعررف كل دي الأكلات >>كداابه هههههه cheers



    يدييييكيي العاافييه أندوومي Basketball




    ميرندا تفاح
    اندومي
    اندومي
    ~ مشرفـــه ~
    ~ مشرفـــه ~


    انثى عدد المساهمات : 90
    تاريخ التسجيل : 12/05/2009

    اكلات مكاااويه Empty رد: اكلات مكاااويه

    مُساهمة  اندومي الثلاثاء يونيو 02, 2009 3:29 am

    مرسي مرسي ورد وميرندا ع مرورك عطرتو صفحتي flower
    اتنتظرو جديدي << بس ياشيخه
    تــ ح ــياتي << اندومي lol!

      الوقت/التاريخ الآن هو الثلاثاء أبريل 16, 2024 12:35 am