الرئيسية
أحدث الصور
المزاج
مدام ناوي على الهجران باب الهوى ليش دقيته
وتدخل بحور الهوى عطشان وتقول ليت الهوى ليته
وتبادل الوصل بالهجران ودمعي على الخد خليته
ربي عطاني وفا واحسان قلـــبَ((ن)) على الصدق ربيته
وانت عطاك نعمه النسيان دمعي على الخد هليته
نسيت اني انا انسان حبك وانت اللي فليته
خليتني للشقا عنوان قلبي على نار خليته
ماعاد بيسكن في قلبي انسان لبوي وامي انا اهديته
غلطان من يشتكي غلطان لانسان ليش اشتكي حالي
مايجوز اشكي على انسان فوق السما ربنا عالي
كل مانظرت للصور فالبوم تذرف على خدي الدمعه
انت اللي ظالم وانا المظلوم لابد في يوم لك رجعه
انت الحبيب اللذي اهواه ويل اللذي ياخذك مني
كلي وما امملكه يفداك بقولها صدق وافهمني
ماصبر دقيقة على فرقاك بقولها صدق وافهمني
ان خنت عهدي بعد فرقاك ربي من الحب يحرمني
وقتي تغير وراسي شاب وانا انتظر شوفت الغالي
يليتني عارف الاسباب وافديها بالروح والمال
واجب علينا رضا الاحباب سنه على كل الاجيالي
والضيف والجار والانساب واهلك على كل الاحوالي
واحسب لوقتك كثير حساب واحسب للاول وللتالي
واتجنب الظلم والانشاب واتجنب القيل والقالي
والسر قفل علية الباب لاتنفتح كل الابوابي
ياعين كفي البكا ياعين ماينفع الدمع ياعيني
الدمع لو ينفع الباكين كان الملا دوم باكيني
راح الخوي والصديق الزين اللي بجنبي يسليني
اه يخساره ياعام الفين بكل قسوة تبكيني
البعض في ونس متهنين نوم الهنا في مضاجعهم
والبعض من الناس طمعانين حب الذهب في حناجرهم
والبعض من الناس محرومين الحب دايم يخالفهم
يا ؟.؟ ماتذكر اول ايام كنا وكان الود
واليوم هجرك لنا طول جسر المحبة بدا ينهد
الحب ياصاحبي سفاح ماله عهد لو حلف واقسم
احيان يلاطف الارواح واحيان بالهجر مايرحم
لوين ياطرفي الباكي لين وين وانت تهل دموع
ليوين ياقلبي الشاكي لابد للي بعيد رجوع
ياللي رحلت عن دياري لاتحسب البعد ينسينا
بس انت لاتقطع اخبارك دايم على البال خلينا
ياللي احبك ومدري ليه بذكراك يهتز وجداني
مقدر اكابر اقول انساك اخاف في يوم تنساني
ومقدر اصارح اقول اهواك اخاف يتجمد لساني
